Friday, November 9, 2007

နာမည်


လောကသည် နာမည်ခေါ်သံများနှင့် ဆူညံနေသော အရပ်ဖြစ်သည်။

အမေတွေက ထမင်းစားဖို့ လှမ်းခေါ်ကြသည်။ (သားတို့..ရေ)

သူငယ်ချင်းတွေက ကျောင်းသွားဖို့ လမ်းမပေါ်ကနေ လှမ်းခေါ်ကြသည်။ (ယောက်ဖတို့...ရေ)

ချစ်သူတွေက ဖုန်းထဲက ရုပ်ရှင်ကြည့်ရန် လှမ်းခေါ်ကြသည်။ (မောင်တို့...ရေ)

ကြွေးရှင်က တွေ့တဲ့နေရာမှာ ကြွေးပေးရန် လှမ်းခေါ်ကြသည်။ (ကျေးဇူးရှင်တို့...ရေ)

ဘယ်နေရာ ရောက်ရောက် လူတို့၏နာမည်ခေါ်သံကိုတော့ မပြတ်ကြားနေရသည်။

တခါတရံတွင်လဲ နာမည်နှင့်တွဲ၍ ဂုဏ်ပုဒ်ပေါင်း သောင်းခြောက်ထောင် ရော၍ပါလာတတ်ကြသေးသည်။

ဒေါက်တာရေချမ်း၊ ဆာအဲလက်စ်ဖာဂူဆန်၊ ဗိုလ်ချုပ်ကြီးရွမ်းမဲ၊ အကယ်ဒမီညွန့်ဝင်း အစရှိသဖြင့် နာမည်တွေနှင့်ပင် ခြိမ်းခြောက်လို့ အားမရသေးပဲ ဂုဏ်ပုဒ်တွေဖြင့်ပါ ဖိသတ်ရန်ကြိုးစားနေကြသည်။

သူကတော့ ဂုဏ်ပုဒ်တွေဆိုလို့ ကိုယ့်နာမည်တောင် ကိုယ်မက်သည့်ကောင်မဟုတ်။

ငယ်ငယ်ကတော့ မိဘတွေ အတင်းအဓမ္မပေးခဲ့သည့် နာမည်တစ်ခုရှိခဲ့ဘူးသည်။
သို့သော်လည်း ဟိုး...အရင်ကအဖြစ်အပျက်တွေနှင့် ရောနှောပြီး ငယ်ငယ်က သူ့နာမည်လည်း အတိတ်မှာကျန်ရစ်ခဲ့ပြီဆိုတော့ သူအသေအခြာ ပြန်မမှတ်မိတော့။
ဘာမဟုတ်သည့် နာမည်တစ်လုံးကိစ္စနှင့် အတိတ်ဆိုတဲ့ကောင်နဲ့ ရှုပ်ရှုပ်ရှက်ရှက်တွေ ပြန်မလုပ်ခြင်တော့တာလည်းပါသည်။

မိဘတွေမရှိတော့တဲ့နောက် သူထပ်မလိုခြင်တဲ့ နာမည်အသစ်တွေ အတင်းလာပေးမည့် လူတွေကလည်း မရှိခဲ့လေတော့ သူကနာမည်မရှိသော လူတစ်ယောက်ရယ်လို့ဖြစ်လာရတာပေါ့။

နာမည်တွေမရှိသောကြောင့် သူ့တွင် မှတ်ပုံတင်မရှိ၊ ဘွဲ့လက်မှတ်မရှိ၊ အလှုခံဖြတ်ပိုင်းမရှိ၊ ပြီးတော့ သူ့ဆီကိုရောက်လာမည့် စာတွေမရှိ။

နာမည်မရှိသော လူတစ်ယောက်အဖြစ် အတော်အတန် နေသားကျခဲ့ပြီး နာမည်ရှိသော လူတစ်ယောက်အဖြစ်သို့ ပြောင်းလည်းနေထိုင်ဖို့ ဆိုတာတွေကိုလည်း သူအားထုတ်မနေတော့။

တခါတလေ မလွှဲရှောင်သာလို့ နာမည်တွေပြောမှရမယ်ဆိုရင်လည်း သူ့ပါးစပ်ထဲက သင့်တော်မည်ထင်သည့် တွေကရာ နာမည်တစ်ခုခုကို ကောက်ပေးပြစ်လိုက်သည်သာ။

ထို့ကြောင့်သူ၏နာမည်သည် တခါတရံ၌ မောင်နတ်ရှင်တောင်ဖြစ်၍ တခါတရံ၌ ကိုအဒေါ့ဖ်ဟစ်တလာဖြစ်သည်။ တခါတရံ၌ ဦးအိုဆမာဗင်လာဒင်ဖြစ်၍ တခါတရံ၌ မောင်မြ၀တီမင်းကြီးဦးစဖြစ်သည်။ တခါတရံ၌ ကိုဆော့ကရေးတီးဖြစ်၍ တခါတရံ၌ ဦးသီပေါမင်းဖြစ်သည်။

ထို့အပြင် သူသည်ယောက်ျားတစ်ယောက်ဖြစ်၍ နာမည်ကို မောင်၊ ကို၊ ဦးတို့ဖြင့် စကိုစရလိမ့်မည်ဟုလည်း မယုံကြည်။

ထို့ကြောင့်သူ၏အမည်သည် တခါတရံတွင် မကိုရာဇန်အကွီနိုဖြစ်၍ တခါတရံတွင် ဒေါ်မာသာထရီဆာဖြစ်သည်။ တခါတရံတွင် မကလော်ဒီယာရှီဖာဖြစ်၍ တခါတရံတွင် ဒေါ်ဂျိုးဂျိုးဖြစ်သည်။

ဒါပေမယ့် အဲဒါတွေက သူ့နာမည်အစစ်တွေ မဟုတ်လေတော့ တခါတလေ ထိုနာမည်ရှင်တို့နှင့် ရင်းနှီးသော သူတို့ကိုဆက်ဆံရသောအခါ အခက်အခဲများကြုံရတတ်လေသည်။
ထိုအခါများ၌ မည်သူမျှပေးလေ့ပေးထ မရှိသော နာမည်တစ်ခုခုကိုရှာကြံ၍ သူပေးရတော့သည်။ ထို့ကြောင့် သူ၏နာမည်သည် တခါတရံ၌ မဆေးလိပ်တိုဖင်ဆီခံဖြစ်၍ တခါတရံ၌ မောင်မိတ်ကပ်တစ်ဘူးဖြစ်နေသည်။ တခါတရံ၌ ဒေါ်နွားသိုးတစ်ကောင်ဖြစ်၍ တခါတရံ၌ ကိုသားဆက်ခြားခြင်း ဖြစ်နေသည်။ တခါတရံ၌ ဦးအကောင်းမြင်မှု ဖြစ်နေတတ်၍ တခါတရံတွင်လည်း ဒေါ်အထီးအမသဘာဝ ဖြစ်နေတတ်လေသည်။

ထို့ကြောင့် သူ့တွင်နာမည်တစ်လုံးမှမရှိသော်လည်း နာမည်များစွာရှိပါသည်။

ရွယ်တူသူငယ်ခြင်းများက သူ့ကို ဟေ့လူ ဟုခေါ်ကြပြီး သူ့ထက်ကြီးသူများက ဟေ့ကောင် ဟုခေါ်ကြသည်။ သူ့ထက်ငယ်သူတွေကတော့ သူ့ကို ဟေ့လူကြီး ဟုခေါ်ကြသည်။

နာမည်အတည်တကျမရှိခြင်းက သူ၏နားများကိုထင်ယောင်ထင်မှား ဖြစ်စေပြီး လမ်းမပေါ်၌ဖြစ်စေ၊ ဘတ်စကားတစ်စီးပေါ်၌ ဖြစ်စေ၊ လ္ဘဖက်ရည်ဆိုင်၌ ဖြစ်စေ လူတစ်ဦးမှ အခြားသူတစ်ဦးသို့ လှမ်း၍ခေါ်လိုက်တိုင်း သူ့ကိုခေါ်သည်အထင်နှင့် လိုက်ထူးတတ်သောအကျင့်ကလည်း ပါနေပြီဖြစ်သည်။ ကျောင်းမှာတော့ အဆိုးဆုံးဖြစ်သည်။ ဆရာမက ကျောင်းခေါ်ကြိမ်မှတ်ဖို့ ကျောင်းသားတစ်ယောက်၏ နာမည်ကိုခေါ်တိုင်း သူကထထ၍ ထူးနေရသည်မှာ အလွန်ပင်ကသိကအောက်နိုင်လှသည်။

ထို့ကြောင့် သူက မလိုခြင်ရင်တောင်မှ ပတ်ဝန်းကျင်နှင့် လိုက်လျှောညီထွေဖြစ်စေဖို့ နာမည်တစ်ခုတော့ ရှိသင့်နေပြီဟု သူ့ကိုယ်သူ အကြံပြုကြည့်တော့ သူကိုယ်တိုငကလုံးဝသဘောတူပုံမရ။ ဤသို့ဖြင့် သူ့ကိုယ်သူ နှင့် သူကိုယ်တိုင် အငြင်းအခုံတွေဖြစ်ကြပြီး ကြားထဲက သူ ပါစိတ်ပေါက်လာသည်။

ထို့ကြောင့် နာမည်တစ်ခုပိုင်ဆိုင်ဖို့ အားထုတ်မိတဲ့ သူ.. သူ့ကိုယ်သူ စိတ်လျှော့လိုက်ပြီး သူ ဆိုသည့်နမ်စားကိုပါဆက်လက်မသုံးစွဲတော့ဖို့ သူကိုယ်တိုင် ကဆုံးဖြတ်လိုက်သည်။

ထိုသို့ဆုံးဖြတ်ပြီးနောက် ရင်ထဲတွင်ပေါ့သွားသည်။ သို့သော်နာမည်တစ်လုံး ရှိမနေခဲ့သောကြောင့် နာမည်ပေါသော လူတို့နှင့်လည်း ဆက်လက်ဆက်ဆံရန် လုံးဝမဖြစ်နိုင်တော့သည်ဖြစ်၍ တစ်ယောက်တည်း အိမ်တွင်းအောင်း နေထိုင်ရန် ကိုပါထပ်၍ ဆုံးဖြတ်လိုက်သည်။

ထိုအချိန်မှစ၍ ကြားဘူးနားဝ နာမည်များ၊ ရေးတေးတေး နာမည်များ အပါအ၀င် လုံးဝမကြားဘူးခဲ့သော နာမည်များကလည်း ထပ်မံပတ်သက်ခြင်း မရှိတော့သောကြောင့် နာမည်ခေါ်သံ ယောင်လို့တောင်မကြားရသော အရပ်၌ နှစ်အတန်ကြာအောင်တစ်ယောက်တည်း နေဖြစ်ခဲ့သည်။

သို့သော် တရက်၌ "ဟေ့" ဟူသော အသံကြားလိုက်၍ နာမည်တစ်ခုလည်း ဖြစ်မနေသောကြောင့် တအံ့တသြနှင့် ရုတ်တရက်လှည့်ကြည့်လိုက်သောအခါ တံခါးဝ၌ ရပ်နေသော သေမင်း ဆိုသူကို တွေ့လိုက်ရသည်။

<မင်းတစေ>

7 comments:

Thinker said...

စောစောစီးစီး ခင်ဗျားဘလော့ဂ်ကို မတွေ့မိတာနောင်တရတယ်...
ကျနော်နောက်တယောက်တွေ့လိုက်ရသလိုပါပဲ...
လင့်ခ်ထားလိုက်တယ်ဗျို့

Hay Mar said...

Hey!!!!!!!

How do u know that guy's name is king of daed?

BLACK DREAM said...

i like the way you think :)

.မင်းတစေ said...

မဟေမာမေးတာကို ဖြေထားတာပါ <သေမင်းဆိုတာ ကျွှန်တော်တို့ ဘယ်တော့မှ မေ့လို့မရတဲ့၊ မထူးပဲနေလို့မရတဲ့ ကောင်လေ၊ သူ့ရဲ့ အေးစက်စက်ခေါ်သံကြားရင်တော့ လူတိုင်းထူးကြရတာပဲ။ အဲဒါကြောင့်ပါ။>

ကောင်လေး said...

ဟီး….မိုက်တယ်။ ကျွန်တော်တောင် blog မှာ post တခုကို နာမည်တမျိုးနဲ့ တင်ရင်ကောင်မလားလို့  ။ ဟုတ်တယ်လေ.. ဖြစ်ပျက်တာတွေ က လူတစ်ယောက်တည်းကို ဖြစ်တာမှန်ပေမဲ့ တချိန်နဲ့ တချိန် ဖြစ်တည်တဲ့စိတ်က တူမှမတူတာ။ ဒီနာမည်တလုံးတည်းနဲ့ ပဲ အားလုံးခံရမယ်ဆိုမတရားဘူး ထင်တယ်။ blog ပေါ်မှာ ကြက်အကြောင်းရေးရင် ကြက်ကလေး၊ ၀က်အကြောင်းရေးရင် ၀က်မ၊ ဟဲဟဲ.. မော်ဒန်ရေးရင်တော့ …မင်းယောက်ဖတို့ ၊ မင်းလဒတို့ စသဖြင့်ပေါ့။ အကိုပြောတဲ့ သေမင်းက ဘယ်သူနာမည်ခေါ်ခေါ်ထူးမယ်။ ဟေ့ခေါ်ခေါ် .. ဟဲ့ခေါ်ခေါ်.. မင်းတစေခေါ်ခေါ်… ကြာရင် ဒီသေမင်း စိတ်ဓာတ်ကျသွားမယ်။ တကယ်ကောင်လေးလို့ ခေါ်လည်း ထူးမယ်။ သူက နောက်နေတာပါဆိုပြီး ခေါ်မှာ ဟုတ်တော့ဘူး။ :P

Winkabar said...

ကောင်းလိုက်တာရေးထားတာလေးက။

ဒီဝိုင်း said...

bee gyae yae.. :)